اوفوقلر قیزاریر آل گوللر کیمی -صمد وورغون
اوفوقلر قیزاریر آل گوللر کیمی
گونش بوی گؤستریر آچیلیر سحر
ییغیشین قلبیمه بولبوللر کیمی
ای ایلک خاطیره لر،ایلک خاطیره لر!
من اونو سئومیشدیم بیر صاف اورکله،
او منیم عشقیمی دویسایدی اگر...
گیرین پنجره مدن اسن کولکه ،
ای ایلک خاطیره لر،ایلک خاطیره لر!
ایندی من پیادا،سیز آتلی سینیز
قالدیمی عشقیمدن کیچیک بیر اثر؟
ندن دیر گاه آجی،گاه دادلی سینیز،
ای ایلک خاطیره لر،ایلک خاطیره لر!
برای نمایش آواتار خود در این وبلاگ در سایت Gravatar.com ثبت نام کنید. (راهنما)
ایمیل شما بعد از ثبت نمایش داده نخواهد شد