اوفوقلر قیزاریر آل گوللر کیمی -صمد وورغون
اوفوقلر قیزاریر آل گوللر کیمی
گونش بوی گؤستریر آچیلیر سحر
ییغیشین قلبیمه بولبوللر کیمی
ای ایلک خاطیره لر،ایلک خاطیره لر!
من اونو سئومیشدیم بیر صاف اورکله،
او منیم عشقیمی دویسایدی اگر...
گیرین پنجره مدن اسن کولکه ،
ای ایلک خاطیره لر،ایلک خاطیره لر!
ایندی من پیادا،سیز آتلی سینیز
قالدیمی عشقیمدن کیچیک بیر اثر؟
ندن دیر گاه آجی،گاه دادلی سینیز،
ای ایلک خاطیره لر،ایلک خاطیره لر!
میکاییل مشفیق
بنؤوشه تک
بوینون بوکه رک
اومحزون دوروشلارینی
سئویرم
منیم له گؤز- گؤزه گلنده
شیمشک باخیشلارین ووروشلارینی
سئویرم
کیرپیک چالا- چالا
منی سوزه رک
بیر ماهیر اووچودان قورخموش، اورکه رک
او جئیران اَدالی باخیشلارینی
شاعیر:میکاییل مشفیق
آیریلیق-سلیمان رستم
هجران داشی ووردون کورگیمدن
آتدین منی ،آتدین منی ، آتدین
من شکلینی آسدیم اورگیمدن
فیکریمده ، خیالیمداسان هر آن
سن سیزده سنین عطرینی دویدوم
باغچامدا گولومدن ، چیچگیمدن
چیخدیم یولا وصلیم هوسی له
هر یولدان اؤتندن سنی سوردوم
ال چکمه هیجران اتگیمدن
آتدین منی ،آتدین ، منی آتدین
من شکلینی آسدیم اورگیمدن
پروفسور زهتابی- غربتده کیلره
غربتده کیلره
بورونوبدور قوجا سهند آغ دونا
ائلیم آد وئریب آغ ساچ آنا
بو یانسادا مرد سینه سی آل قانا
تالانسا دا یاد الیله باهاری
سارسیلمامیش ذرّه قدر ووقاری
قوجاغیندا یاتیب ایگید آسلانی
قولو باغلی،دوغما یوردو زیندانی
دیلی باغلی،قلبی دولو عصیانی
هاوا آغیر،هر بیر طرف قارانلیق
ایلدیریم لار پاریلداییر بیر آنلیق
آنا داغین فیکری،ذیکری شیرده دیر
کینلی گؤزو سورتولن زنجیرده دیر
باخیشلاری گاه گؤیده،گاه یرده دیر
دونیالارا گاه دا یاییر فریادین
چاغیریراؤز ایتگین گئدن اوولادین
گلین،دئییر،منیم گؤزوم سیزده دیر
بیلمیرم کی،اورییز تبریزده دیر
نجات یولو یادلاردا یوخ،بیز ده دیر
گرک زنجیر اؤز الیزه قیریلسین
اؤز الیزله بو ائل،اوبا دیریلسین
یاد بو شیرین آچا بیلمز قفسین،
آسلان آنجاق "داغا سالار نفسین"
داغ قایتاریب،گؤیه سالار بو سسین:
بوردا بیر شیر داردا قالیب باغیریر
ایتگین گئدن اوغوللارین چاغیریر.
داغ اوستونه داغی قویان ائل اولار،
بولاقلارین سویو آخار،سئل اولار،
تک-تک آهلار قوشولارسا،یئل اولار
گلین!-دئییر:-گلین،قیراق زنجیری
آزاد ائدک اؤز ائوینده بو شیری
ای وطن چین یوخو گؤرمز بَبَکلر
وطن دئییب،هئی چیرپینان اؤرکلر
بو سؤزلری سیزه دئسین کؤلکلر
سعادت چین نه گزیرسیز اوزاغی
گلین،گزین ایتیردیگیز تورپاغی
باکی- 15/3/1962 (25-12-1341)
